रेखा र निखिल सँगै फिल्म खेल्ने

काठमाडौ । फिल्म प्रदर्शनको तिथी नजिकिंदै गर्दा अभिनेत्री रेखा थापा चर्चामा आउन विभिन्न हथकण्डा अपनाउन थालेकी छिन् । हिम्मतवाली सुटिङ भएको एक सातामै श्याम भट्टराईलाई निर्देशकवाट निकालेकी रेखाले फेरि अर्को कार्ड फ्याँकेकी छिन् । एक दशकसम्म बोलचाल नभएका नायक निखिल उप्रेतीलार्इ उनले अाफ्नै निवासमा बोलाएर भेटिन् । सो भेटपछि रेखा र निखिल सँगैसँगै फिल्म खेल्ने खबर बाहिर अाएका छन, जसका कारणा फिल्मी बजार तातेको छ । फिल्म खेल्ने विषयमा मन मुटाब भएकै कारण रेखा र निखिलविच बोलचाल बन्द भएको थियो । एक दशकसम्म उनीहरुविच केबल बोलचाल मात्र बन्द भएन, एक अर्का बिरुद्ध खरो प्रहार पनि गरे । अहिले तिनै नायक-नायिका एउटै फिल्ममा काम गर्ने तयारीमा छन भन्ने सुन्दा अनाैठो लाग्नु स्वभाविक हो । सँगै काम गरौं भन्दै निखिलले प्रस्ताब लिएर अाएको रेखाको दावी छ । दोस्रो बिहेपछि लामो समय मुम्बइ बसेर फर्किएका निखिल यतिबेला नेपाली सिने क्षेत्रमा पुनरागमनको तयारीमा छन् । लामो समय मुम्बइ बसेर भारतीय सिने उद्योगमा छिर्ने कोसिस गरे पनि उनलाई सफलता हात लाग्न सकेन् ।