जनार्दन पोखरेल/उज्यालो । महोत्तरी, भदौ २४ - पुल भासिएर गाडी अबरुद्ध भएको झण्डै एक महिनापछि रातु नदीमा बेली ब्रिजबाट गाडी चल्न थालेका छन् ।
महोत्तरी र धनुषा जिल्लालाई जोड्ने पूर्व पश्चिम राजमार्गको रातु नदीमा बेली ब्रिज निर्माण गरेपछि सोमबार दिउँसोदेखि गाडी वारपार हुन थालेका हुन् ।
सडक डिभिजन कार्यालय जनकपुरले भासिएको पुलमाथि ४० मिटर लामो बेली ब्रिज निर्माण गरेको छ । एक हप्ता लगाएर निर्माण गरिएको बेली ब्रिजबाट एकतर्फी रुपमै भएपनि गाडी सञ्चालनमा आएपछि यातायातकर्मी र यात्रुहरुलाई सजिलो भएको छ ।
बेली ब्रिजबाट बढीमा १० टनसम्म भार भएका गाडी मात्र गुड्ने अनुमति दिइएको सडक डिभिजन कार्यालय जनकपुरका प्रमुख देबेन्द्रप्रसाद साहले बताउनुभयो । त्यो भन्दा धेरै भार भएका मालबाहक ट्रक 
लगायतका सवारी साधनलाई बेली ब्रिजबाट गुड्ने अनुमति दिइएको छैन । वढी भार भएका गाडीलाई पुल मुनिको ड्राईभर्सनबाट गुड्ने व्यवस्था मिलाईने छ । तर पुल मुनि निर्माण गरिएको ड्राइभर्सन दुई पटक वाढीले बगाएपछि अहले ड्राईभर्सनबाट गाडी चल्न सक्दैनन् । ड्राईभर्सन नहुँदा अहिले धेरै भार भएका मालबाहक ट्रक पनि बेली ब्रिजबाटै पार भैरहेका छन् ।
लगायतका सवारी साधनलाई बेली ब्रिजबाट गुड्ने अनुमति दिइएको छैन । वढी भार भएका गाडीलाई पुल मुनिको ड्राईभर्सनबाट गुड्ने व्यवस्था मिलाईने छ । तर पुल मुनि निर्माण गरिएको ड्राइभर्सन दुई पटक वाढीले बगाएपछि अहले ड्राईभर्सनबाट गाडी चल्न सक्दैनन् । ड्राईभर्सन नहुँदा अहिले धेरै भार भएका मालबाहक ट्रक पनि बेली ब्रिजबाटै पार भैरहेका छन् ।
गएको साउन २८ गते आएको वाढीले पुलको पश्चिम तर्फको एउटा पिल्लर डेढ फिट भासिएपछि पूर्व पश्चिम राजमार्ग अबरुद्ध भएको थियो । झण्डै एक महिनासम्म पुलबाट गाडी नचल्दा यात्रु र यातायातकर्मीहरुले सास्ती पाएका थिए । 
आठ सय मिटर लामो रातु नदीको पुलको ११ वटा पिल्लर मध्ये पश्चिम तर्फका तीन वटा पिल्लरमा मात्र बेली ब्रिज जडान गरिएको छ । बेली ब्रिजले भासिएको पिल्लरलाई भने कुनै भार दिएको छैन । बर्षात्को मौसम सकिन लागे पनि दशैं, तिहार र छठ जस्ता नेपालीहरुको महत्वपूर्ण चाड पर्वको बेला भएकाले गाडी सञ्चालनमा समस्या नहोस् भन्ने उद्देश्यले बेली ब्रिज निर्माण गरिएको डिभिजन प्रमुख साहले बताउनुभयो ।
आठ सय मिटर लामो रातु नदीको पुलको ११ वटा पिल्लर मध्ये पश्चिम तर्फका तीन वटा पिल्लरमा मात्र बेली ब्रिज जडान गरिएको छ । बेली ब्रिजले भासिएको पिल्लरलाई भने कुनै भार दिएको छैन । बर्षात्को मौसम सकिन लागे पनि दशैं, तिहार र छठ जस्ता नेपालीहरुको महत्वपूर्ण चाड पर्वको बेला भएकाले गाडी सञ्चालनमा समस्या नहोस् भन्ने उद्देश्यले बेली ब्रिज निर्माण गरिएको डिभिजन प्रमुख साहले बताउनुभयो ।
चाड पर्व सकिएपछि कात्तिक अन्तिमदेखि भासिएको पिल्लरको पुनः निर्माण थाल्ने सडक डिभिजन कार्यालयले जनाएको छ । पुलको अहिलेसम्मको अबस्था हेर्दा भासिएको पिल्लरलाई उकासेर मर्मत मात्र गर्दा पनि पुल सञ्चालनमा आउन सक्ने प्राविधिकहरुले अनुमान गरेका छन् । त्यसको लागि कम्तिमा पनि ६–७ महिना लाग्ने छ । भासिएको पिल्लरको जमिन मुनिको संरचना हेरेपछि मात्र त्यहि पिल्लरलाई मर्मत गर्दा हुने अथवा नयाँ निर्माण गर्नु पर्ने भन्ने विषयको अन्तिम टुंगो लाग्ने साहले बताउनुभयो ।
No comments :
Post a Comment